Hüüd drapen in Wisch bi Peo. En aktiv IT-Workshop. Bloot Hinrich verweiht in Neeseeland in de Feern, ofschons he seggt hett he vörbikummt. Wat weer to doon? Opgaavsdeelen in dat Team vun de Reisedeelen. Inrichten vun de Email-Adressen op jeden egen Reekner vun de Lüüd.
Anmellensperzess un sien Funktschoon. Inarbeiden in de Formbläder Datenbank un Bearbeitung vun de Indrääg.
Lutz, Per-Åke un Olaf övernehmen de Organisatschoon vun dat RETOH ünner ännern ok de Stüerung mit dat Aflopen vun de Anmellen.
Tüschendör wurr veel klookgeschiesert un de vun Per-Åke op den Disch stellt Leckeree vernascht, veel Kaffe drunken un snackt, vör alleen Saken dörenanner.
Lars un Carsten hebbt an de ünnerscheedlich Reekners un Mailprogrammen vertwiefelt un hebbt fast stellt, dat inonos nich geern mit Gmail snackt.
Op leeg dar en Probleem mit TLS un SSL as ok de ünnerscheedlichsten Poorten. Opmaal güng dat ganz gau un de Mails in de Töövreeg flöten dör den Ether op de Reekner. Dor geev dat grote Ogen as opmaal över 1800 Mails ut dat IMAP Konto in de Postfacken flött wurrn.Lutz ward nervös, wiel he los muss. Lars broch noch de Idee mit dat Reisedeellogo op den Disch. Klar weer dat all, dat wi en goot lesen Schrift wullen, also Handschrift Ähnlichkeit. Lars will en Kamel darto ut de Wööst, Carsten kontreer mit en Koh oder en Swien oder Schaap hier baven ut dat Noorden oder doch en Windrose mit Runen ut de Wikingertiet. Olaf broch den Vörslag mit de Koordinaten. Ader ok de Afbillen vun en Wikingerschipp vun en oolt Münt vun düsse Tiet.
Minsch wat hebbt wi denn lacht, wat dar vun warrt dat al. Goot Ding bruukt halt sien Tiet. Room is ok nich op een Dag entstahn. Wi wüllt uns Möh geven, dat dat gauer geiht.
Op den Weg na ’n Parkplatz wurr Per-Åke noch gau in, man kunn ja noch mal för een Week na Lappland föhren üm Sneemobile to föhren. Enn‘ März? Nee dar kummt doch Swantje to uns. Un denn laat na’n Vördrag na Noordsweden. Oha, speel dar uns Regeeren tohuus mit?
Allens in all en schöön spoodriek Namiddag mit de Jungs
Fein moked